NAKOPO ng Bacoor City Strikers ang kanilang unang home court victory sa isang stunning comeback laban sa Negros Blue Hawks, 17-25, 23-25, 25-16, 25-20, 16-14, sa Maharlika Pilipinas Volleyball Association (MPVA) league.
Makaraang matalo sa unang dalawang sets, sinamantala ng Bacoor City Strikers ang kahinaan ng katunggali upang kunin amg sumunod na tatlong sets sa Bacoor Strike Gymnasium.
Nanguna si reigning NCAA MVP Mary Rhose Dapol para sa Bacoor City na may 18 points, habang gumawa rin si Charmaine Ocado ng 18 points makaraang punan ang pagliban ni ace spiker Shaila Omipon.
Nagtala naman sina Angel Habacon at Gelah Lopez ng 21 at 11 points, ayon sa pagkakasunod, para sa Negros Blue Hawks.
Susunod na makakasagupa ng Bacoor City Strikers ang Biñan Tatak Gel sa parehong venue.
CLYDE MARIANO