MARIING pinabulaanan ngayon ng Philippine Army ang bantang muling sasalakayin ng ISIS influenced terrorist ang lungsod ng Marawi kasabay nang nagaganap na religious activites sa Abubakr Masjid (Markaz), Basak Malutlut ng nasabing siyudad.
“Please be informed that there is NO TRUTH to the rumor that there will be another siege that shall happen in Marawi City due to the alleged presence of ISIS-inspired terrorists in the three-day Juhor currently happening at Abubakr Masjid (Markaz), Basak Malutlut,” pahayag ni Brigadier General Romeo Brawner, Jr. ng 103rd Brigade.
Ayon kay Gen. Brawner nakipag ugnayan sa kanila ang Juhor at bunsod nito ay may mga pulis at sundalong ipinakalat sa lugar para matiyak na magiging maayos at mapayapa ang Islamic holy activity na dadaluhan din ng mga foreign participants.
Tiniyak ng mga kinatawan ng Juhor na babantayan din nila ang kanilang hanay at agad na isusumbong sa militar ang anumang kahinahinalang tao o mga pagkilos.
Hiniling naman ng liderato ng Armed Forces of the Philippines (AFP) na bigyan sila ng listahan ng mga foreign participant.
Ayon pa kay Brawner, may mga sundalong Muslim din ang makikiisa sa nasabing religious activities na nagsimula kahapon.
Tiniyak pa ng opisyal, na ang lahat maging ang provincial government, municipal mayors, religious and community leaders, at securiry sector ay nagtutulong-tulong upang hindi na maulit pa ang madugong 2017 Marawi siege. VERLIN RUIZ
Related posts:
PAGGUNITA SA MARAWI SIEGE MAGIGING MAKASAYSAYAN
CLASSROOMS SA MARAWI CITY KAPOS
P10-M AYUDA SA MGA NAULILA NG 7 PULIS NA NAMATAY SA MARAWI
PNP AT AFP NAGHAHANDA NA SA SPECIAL ELEX SA MARAWI
DUTERTE BOOK SALES ‘IBUBUHOS’ SA MARAWI
AFP MAY PALIWANAG SA NAANTALANG PAGBANGON NG MARAWI
PAGBANGON NG MARAWI ABOT-KAMAY NA
Comments are closed.