(Na-lockdown) SUMMER MMFF FILM NI SANYA LOPEZ NAPURNADA

BITIN na bitin, yan ang komento ni Sanya Lopez kung tatanungin siya para sa isang pelikulang na ipinagmamalaking nagawa niya, ang “Isa Pang Bahaghari” kung saan ay nakasama niya ang mga premyadong aktor tulad nina Ms. Nora Aunor, Michael de Mesa, Philip Salvador, Zanjoe Marudo at marami pang iba. Ang nagdirihe ay ang batikang direktor ng bansa na si Joel Lamangan.

Marami kasi ang nagsasabing tila di pang Metro Manila Film Festival ang pelikulang ito. Nitong nakaraang taon ay hindi mapalad na makapasok bilang isa sa official entry ng Metro Manila Film Festival o MMFF ang “Isa Pang Bahaghari”. Pero nang magkaroon ng First Summer Metro Manila Film Festival na nakatalaga sanang magsimula ngayong buwan Abril,  ay nakansela ang naturang summer festival dahil sa coronavirus pandemic. At kasama sa mga official movie entry ang pelikula nila Sanya.

Say ni Sanya,sadyang nanghihinayang siya at hindi muna ito mapapanood ng kanyang supporters. Wala ring ideya ang young actress kung kailan talaga magbubukas ang Summer MMFF. Very proud pa naman din si Sanya sa movie niyang ito at first time niyang nakasama si Ate Guy sa isang pelikula.

 

ALDEN RICHARDS MAY KINAWIWILIHANG BABES SA ONLINE

OPEN secret na rin namam sa online gaming world na isa ang Asia’s Multimedia Star na si Alden Richards ang suking gamer din. Marami na ang nakakakilala sa kanya na mga kapwa niya gamers. Kaya maraming nagulat nang biglang may lumabas na tsika na isa sa online gamer ang kinababaliwan ngayon ng aktor at lihim na karelasyon.

Ang naturang girl ay nakilala na si Bianca Yao. Tulad ni Alden ay isa ring popular streamer sa Facebook at online gamer.

Nabigyan ng kulay ng mga netizen ang relasyon diumano ng dalawa, nang minsan sa paglalaro nina Alden at Bianca ay naubusan ng stars si Bianca. Kailangan ang stars para sa lives ng player at makapagpatuloy ito sa level ng kanyang laro. May katumbas na monetary value sa totoong buhay ang mga stars. Out of generosity naman ay binigyan ni Alden ng stars si Bianca, at sinagot naman ito ni girl na di na raw niya bubugbugin sa laro si Alden at aalagaan niya na lang ang sikat na Kapuso aktor.

Ani pa ni Bianca, wag naman daw sanang bigyan ng malisya ang kabaitan ni Alden sa kanya. Sadyang generous at mapagbigay na tao lang daw itong si Alden.

Dagdag pa ni Bianca, na hindi lang naman siya ang binibigyan ng stars ng aktor, may mga iba pa rin daw namang gamers na nabibiyayaan ng aktor.