CAMP CRAME – IBINULGAR ni Philippine National Police (PNP) Chief, Gen. Archie Francisco Gamboa na tinanggal niya sa puwesto ang tatlong police officials sa Central Visayas matapos na mabuking na naglalaro ng golf sa oras ng kanilang trabaho.
Ayon kay Gamboa, dalawa sa police official ay mapo-promote na sana sa ranggong full colonel subalit dahil sa nangyari ay mapupurnada ito.
Ang posisyon aniya ng tatlong police official ay Regional Comptroller ng PNP Central Visayas, Chief ng Finance at pinuno ng Philippine Drug Enforcement Group (PDEG).
Inihayag ni Gamboa halos araw-araw naglalaro ang tatlo na nagsisimula ala-5:30 ng umaga.
“Pawang bored ang tatlo kaya naglaro,” ayon kay Gamboa.
Taliwas ito sa kanyang utos na bawal maglaro ng golf bago ang office hours dahil gusto niya alas -8:00 ng umaga nasa opisina na sila.
Hindi naman idinetalye ng PNP chief kung ano ang eksaktong oras subalit iyon ay weekdays.
Payag naman daw si Gamboa na maglaro sila ng golf subalit dapat pagkatapos ng office hours, weekends at holidays. REA SARMIENTO
Related posts:
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
2 OPISYAL NG TAGUIG-PNP SIBAK
POLICE COLONEL AT 3 PA SIBAK SA KOTONG
BINILING PATROL JEEPS NG PNP PALPAK
KATANGI-TANGING PNP PERSONNEL PARARANGALAN NGAYON
Comments are closed.