NAGKAKASAKIT SA PAGLAMIG NG PANAHON BUMABA

PILIPINO Mirror
COLDS and FLU

Bahagyang buma­ba ang mga kaso ng influenza-like illnesses (ILI) sa buwan ng Nob­yembre sa kabila ng paglamig ng panahon.

Sa pinakabagong datos ng Department of Health (DOH), lumalabas na ang ILI cases sa buong bansa ay bumaba mula sa 7,971 noong Oktubre 20 hanggang Nobyembre 2 sa 7,571 cases noong Nobyembre 3 hanggang 16.

Naobserbahan din ang pagbaba ng dinada­puan ng sakit mula Nobyembre 17 hanggang 30 na may 3,710 cases subalit sinabi ng DOH na maa­aring magbago pa ito dahil sa naantalang pag-uulat at pagpapakonsulta.

Sa kabuuan, buma­ba rin ang ILI cases mula Enero hanggang Nobyembre 30 na nasa 165,992 cases, mas mababa ito ng 17% kumpara sa mahigit 200,000 cases na naitala sa parehong panahon noong 2023.

Hinimok naman ni Health Secretary Ted Herbosa ang publiko na magsuot ng face mask at magpabakuna ng anti-flu para maproteksyunan ang sarili laban sa ILIs.

Related posts:

DOC NANAY: MALNUTRISYON KAILANGAN NG PANGMATAGALANG SOLUSYON DOH PINAG-IINGAT ANG PUBLIKO SA SMOG PINAS NAKAPILA NA SA MPOX VACCINE MIAA NAKAALERTO VS MPOX TESTING NG MPOX LIBRE (Publiko patuloy na pinag-iingat ng DOH) KASO NG DENGUE AT MPOX TUMAAS “KAILANGAN PA BA NILANG MAGMAKAAWA?” — BONG GO URGES PROMPT RELEASE OF REMAINING HEALTH EMERGENCY ALLOWANCES STILL DUE TO QUALIFIED HEALTH WORKERS DOH MOBILIZES EMERGENCY HEALTH TEAMS TO PROVIDE IMMEDIATE ASSISTANCE TO PROVINCES IN ILOCOS REGION