QUEZON CITY – INATASAN ni Interior Secretary Eduardo M. Año ang Philippine National Police (PNP) na imbestigahan at arestuhin ang mga responsable sa pagpapakalat ng “fake news” tungkol sa 2019 novel coronavirus (nCoV).
Ayon sa kalihim hindi magdadalawang isip ang pulisya na ipakulong ang mga tao o grupo na mapapatunayang nagkasala sa pagkakalat ng maling impormasyon sa iba’t ibang social media platforms.
“Freedom of expression has limitations, especially when its exercise threatens the welfare of the public. We must put an end to fake news on social media. Kaya sa mga sinasadyang magpakalat ng fake news, stop now before we lock you up,” banta ni Año.
Samantala inamin ni DILG Spokesperson and Undersecretary Jonathan Malaya na maging ang kanilang kagawaran ay nagiging biktima ng fake news.
Ito ay nang lumabas ang isang infographic na sinasabing nagmula sa DILG na ginawa at ipinakalat noong nakalipas na linggo na nagsasabing nagpasya ang DILG na ilagay sa mandatory quarantine ang lahat ng biyahero na nagmula sa 23 countries na may confirmed nCoV cases.
Sinasabing lumikha ng panic at kaguluhan sa hanay ng mga traveler ang nasabing unauthorized at illegal infographic nang mag-viral ito at naging dahilan para mag kansela ng kanikanilang travel plans ang mga turista.
Kaugnay nito nanawagan si Sec. Año sa publiko na magtiwala lamang sa mga official sources of information at beripikahin muna bago ito i-share, think first before you click,” ani Malaya. VERLIN RUIZ
Related posts:
6 ‘FAKE NEWS’ SA NCOV BINA-VALIDATE NA NG PNP-ACG
(Dahil sa banta ng nCoV) PBA INIURONG ANG SEASON OPENING SA MARCH 8
NCOV BINAGO, GINAWA NANG COVID-19
(Nagpapa-viral ng fake news pupulbusin) PNP NAGPAPATROL NA SA SOC-MED
FOOD SUPPLEMENT PARA MAKAIWAS SA COVID-19 NA-ACQUIRE NG STADA
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
HUWAG MAGBIGAY NG FAKE NEWS TUNGKOL SA AIR POLLUTION
Comments are closed.