(Nagtahan exit ramps bukas na) SKYWAY 3 TOLL-FREE PA RIN

MANANATILING libre ang paggamit ng Skyway Stage 3 hanggang kaya

itong balikatin ng San Miguel Corp., ayon sa presidente nitong si Ramon Ang.

“Hindi naman kami nagmamadali. Hanggang kaya namin, kargahin po namin ‘yun, ani Ang.

“Can you imagine? May pandemic tapos nagmamadali pa tayo magkolekta? Hindi ganoon priority natin. Ang priority is to finish the project and cooperate for better service.” dagdag pa niya.

Pinangunahan ni Ang, kasama ang public works officials, ang in- speksiyon sa Nagtahan off-ramp na binuksan kahapon. Ang mga mo- toristang magmumula sa Alabang o Makati ay maaaring dumaan sa ramp para makarating sa Manila.

Ayon kay Ang, sa pagbubukas ng Nagtahan exit ramps, mas mapa-bibilis ang biyahe ng mga motorista patungong Manila, at gagaan ang trapiko major throughfares na kara-niwang ginagamit para makapunta sa Sta. Mesa at iba pang kalapit na mga lugar.

“The concessionaire is taking advantage of the dry season to fast-track the completion of ramps as we want more motorists to reap the benefits of additional interchanges in between Buendia and NLEX,” wika ni DPWH Sec. Mark Villar.

“The timely opening of all interchanges will also further reduce traffic along major NCR roads, most specifically Edsa, Quezon Avenue, Araneta Avenue. Nagtahan, and Quirio Avenue,” dagdag pa niya.

“We are committed to fully delivering the remaining access ramps of Skyway 3 in the soonest possible time. With the Nagtahan exits, motorists coming from both SLEX and NLEX or other points of entry to the Skyway 3, can now opt to get to their destinations in Manila faster, without having to go through traffic, or contribute to traffic on major public roads and busy streets,” ayon pa kay Ang.

Aniya, ang northbound ramps na susunod na bubuksan ay ang Quirino exit (patungong Roxas Blvd.), Quirino entry, Nagtahan entry, E. Rodriguez Entry, at Sgt. Rivera (C3) exit.

Samantala, ang southbound access points na bubuksan sa mga susunod na araw ay ang A. Bonifacio entry, Sgt. Rivera (C3) exit, Sgt. Rivera (C3) entry, at Quirino exit.

Related posts:

(Toll-free sa loob ng isang buwan) SKYWAY 3 BAHAGYANG BUBUKSAN (Mga rampa 97% nang tapos) SKYWAY 3 ‘DI ISASARA (Balintawak-Manila 20 minuto na lang) SKYWAY 3 QUIRINO SOUTHBOUND EXIT BUKAS NA (Aarangkada na ngayong araw) TOLL FEE SA SKYWAY 3 SKYWAY STAGE 3 PALULUWAGIN ANG TRAPIKO SA MAKATI SKYWAY STAGE 3, C5 SOUTH LINK BUBUKSAN NA – VILLAR MANILA-MAKATI 6 MINS NA LANG ASSESSMENT SA BUMAGSAK NA SKYWAY PATULOY