NAKA-DUTY NA PULIS BINARIL

MASBATE – DEAD on the spot ang isang nakaunipormeng pulis nang tambangan ito ng hindi pa nakikilalang gunman kamakalawa ng gabi sa Batuan.

Sa ulat ng Masbate-PPO ay kinilala ang pinaslang na pulis na si Police Senior Master Sergeant Oscar Alegada, 43-anyos, tubong Batuan at naka-assign sa Batuan police station.

Base sa  inisyal na imbestigasyon, mag-isa lamang ang biktima nang dikitan siya ng gunman at malapitang barilin sa Barangay Canvanez.

Ayon kay Maj. Maria Luisa Calubaquib, tagapagsalita ng PNP Regional Police Office 5 nakauniporme pa at on-duty ang bitkima nang mangyari ang pananambang.

Nagtamo si Alegada ng tama ng bala ng baril sa kaniyang ulo na naging sanhi ng daglian nitong kamatayan.

Agad na naglagay ng checkpoints sa iba’t ibang bahagi ng Batuan at mga kalapit bayan sa pagtatangkang madakip ang suspek na target ngayon ng manhunt operation. VERLIN RUIZ