DUMARAMI na ang mga namamatay na baboy sa Rodriguez, Rizal, sa kabila ng pahayag ng Department of Agriculture (DA) na kontrolado na ang African swine fever (ASF) sa mga apektadong lugar.
Nitong nagdaang Huwebes, tatlo na ang namatay sa alaga ng isang magbababoy sa Barangay San Isidro, Rodriguez.
Malaki na umano ang ikinalugi nito sa loob lang ng isang buwan makaraang mamatay ang 80 niyang alaga na pare-pareho ang sintomas.
Nangangamba siyang mamatay rin ang iba niyang mga alagang may sakit.
Isa ang lugar nila sa mga tinukoy ng DA na apektado ng African Swine Flu (ASF).
Nauna rito, sinabi ng ahensiya na kontrolado ang ASF sa lugar.
Ayon kay Bureau of Animal Industry Director Ronnie Domingo, may mga nagtago raw ng mga baboy.
“‘Yong mga nagagalit dati, ayaw mag-surrender ng hayop, tinago nila ‘yong hayop nila. Masasabi mo kasi na controlled na ‘yan kasi wala nang hahawahan ‘yan, patay na ‘yong mga kapitbahay niya na baboy,” ani Domingo.
Pero hindi lang sa Rizal may mga natatagpuang patay na baboy.
MGA PATAY NA BABOY INANOD SA MARIKINA, QUEZON CITY
Samantala, sa Marikina, 16 patay na baboy ang inanod sa boundary ng San Mateo, Rizal at Barangay Nangka nitong umaga ng Huwebes.
Related posts:
4 PATAY NA BABOY LUMUTANG SA ILOG
REWARD MONEY SA TIPSTER NG MAGTATAPON NG PATAY NA BABOY
PATAY NA BABOY PINAANOD SA ILOG
HALAGA NG BABOY NANANATILING MAHAL SA KABILA NG ASF SCARE
PAGPUPUSLIT NG BABOY NA MAY ASF SA PANGASINAN MULING NATUKLASAN
DAAN-DAANG BABOY PINAGPAPATAY SA QC
BABOY NA PINATAY NASA 1/3 NG 20,000 NA APEKTADO SA ASF —DA
DA, NMIS NAG-BOODLE FIGHT BILANG PATUNAY NA LIGTAS KUMAIN NG KARNE NG BABOY
Comments are closed.