MALABON CITY – CAUGHT in the act ng pulisya ang dalawang lalaki na nanghuhuli ng mga pusa sa lungsod na ito.
Sinasabing natiyempuhan ng mga pulis na nagsasagawa lamang ng Oplan Sita sa Barangay Longos ang isang lalaki na dinam-pot ang isang pusa.
Matapos nito ay agad na ipinasa ng lalaki sa kanyang kasamahan ang pusa na nilagay naman sa sako na nasa isang kariton.
Nang usisain ng mga awtoridad ang dalawa ng kaukulang permiso sa panghuhuli ng mga pusa ay walang maipakita ang mga ito.
Dahil dito ay inaresto agad ang mga ito at dito tumambad ang 18 pusa na nahuli ng dalawa at nakasilid sa sako.
Inaalam pa ng mga pulis kung ano ang plano ng dalawa sa mga hinuling pusa ngunit pinaghihinalaang ibebenta ang mga ito sa medical students.
Dahil dito mahaharap ang dalawang lalaki sa kasong paglabag sa Animal Welfare Act.
PILIPINO Mirror Reportorial Team
Comments are closed.