MISAMIS ORIENTAL – KINIKILALANG bayani ang isang pulis na namatay matapos sumabog ang dalang granada nang nag-amok na lolo sa loob ng college campus sa bayan ng Initao.
Ayon sa ilang saksi, nawalan sila ng mabuting pulis sa pagkamatay ni Master Sergeant Jason Magno, na palaging rumeresponde sa mga kaguluhan sa kanilang lugar.
Inihayag pa nito na isang Maranao ang suspek na nag-amok matapos na hindi ni-release ng mga tauhan ng Department of Environment and Natural Resources (DENR) ang nahuling dalawa niyang truck na may kargang mga kahoy.
Tinanggalan na umano ng pin ang nasabing granada pero doon pa lamang sa DENR office at dahil katabi lamang ang Initao College kung kaya’t doon na ito sa gymnasium nag-amok.
Kaagad na nakaresponde si Master Sergeant Magno at isa niyang kasamahan habang isang criminology ang nakipagbuno sa suspek dahilan kaya nabitawan nito ang granada na mabilis namang kinuha ni Magno upang itapon sana ngunit sumabog habang hawak pa ng pulis dahilan nang agaran niyang pagkamatay.
Dito na rin pinagbabaril ng kasamahang pulis ang nasabing suspek habang isinugod naman sa ospital ang dalawang mag-aaral na nadamay sa insidente. PILIPINO MIRROR REPORTORIAL TEAM
Related posts:
P10-M AYUDA SA MGA NAULILA NG 7 PULIS NA NAMATAY SA MARAWI
PANIBAGONG TRAINING SA MGA PULIS
PULIS NA DINUKOT NG NPA LAYA NA
5 PULIS NA NANG-IWAN SA ERE SINIBAK
17 PULIS NA “NAGPABAYA” SA ESTASYON KINASUHAN
2 PULIS NA ‘ADIK’ NAKAHULI NG 3 PUSHERS
PULIS NA UMAWAT SA AWAY-LASING BINUGBOG
PULIS NASAMPOLAN SA INDISCRIMINATE FIRING
Comments are closed.