ISUSULONG ni Senador Christopher Bong Go ang Senate Bill 397 o mas kilala sa tawag na National Academy of Sports for Senior High School Students bill.
Ani Go, layon ng panukala na magtatag ng NASSHS nang masiguro ang “better future” sa mga kabataang naghahangad na maging atleta na lalaban para sa bayan.
Sinabi pa nito, hangad din ng panukala na magbigay ng scholarship grants at tututok sa pag-develop sa mga batang atleta na mayroong skills sa palakasan upang masiguro ang magandang kinabukasan ng mga deserving na kabataan.
Ayon pa sa senador, kilala ang mga Pinoy na sports lover at bilang patunay ay ang pagsuporta pa ni Pangulong Rodrigo Duterte sa laban ng Gilas Pilipinas na personal na sinaksihan pa nito sa China.
At dito, pinatunayan ng mga manlalarong Pinoy na kahit dehado sa laban ay hindi pinanghihinaan ng loob at patuloy na lumalaban.
Binigyang diin pa na hindi lamang mahahasa ang skills ng mga kabataan sa larangan ng sports, tiyak ding mailalayo ang mga ito sa tukso ng illegal drugs at iba pang hindi magandang bisyo.
Kaugnay nito, kinumpirma ni Go na nagkaroon na siya ng inisyal na pulong sa Department of Education, Department of Budget and Management, at Philippine Sports Commission kung saan lahat ng mga ahensiyang ito ay nagpahayag ng suporta sa naturang programa. VICKY CERVALES
Comments are closed.