KINUMPIRMA ni Philippine Navy Chief Vice Admiral Giovanni Carlo Bacordo na isang Navy Captain ang binawian ng buhay makaraang dapuan ng coronavirus disease (COVID-19).
Ayon kay Bacordo, Agosto 5 ng gabi nang isugod sa AFP medical Center ang nasabing opisyal matapos lagnatin at hirap sa paghinga kaya agad itong na-intubate subalit pagsapit ng hatinggabi ay agad itong binawian ng buhay.
Sinabi pa ni Bacordo, galing sa Fort Bonifacio ang biktima pero inilipat sa Manila Naval Hospital dahil sa nararanasang mga sintomas ng COVID-19 ngunit dahil sa lumalalang kondisyon ay inilipat ito sa AFP Medical Center at doon na siya namatay.
Samantala, inihayag naman ni AFP Spokesperson Major General Edgard Arevalo na umaabot na sa 1,137 mga sundalo ang infected sa COVID-19 na kung saan 473 ang active cases habang 138 ang nakarekober.
Mayroong 517 na ang cleared at nakabalik na sa kanilang mga duty pero 10 AFP personnel na ang namatay. REA SARMIENTO
Related posts:
MODERNONG KAGAMITAN IBINIDA NG NAVY
PHL NAVY WAR SHIP NASA KOREA
PH NAVY BIBILI NG 25-30 BARKONG PANDIGMA
WARSHIP NG NAVY NAGLALAYAG PATUNGONG RUSSIA
BARKONG PANDIGMA NG NAVY SASABAK NA
SPLIT NG MARINES AT NAVY, NO WAY – BACORDO
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
Comments are closed.