NAKAUWI na nitong Martes and Senior High School student na si Christian Xavier “Xavi” Alegnio ng Ateneo de Manila na naiulat na nawawala sa Lungsod ng Quezon ngayong linggo.
Nagpasalamat si Quezon City Mayor Joy Belmonte sa mabilis na pagtugon ng Quezon City Police District sa naturang pangyayari.
“Bilang isang ina, ramdam ko ang pag- aalala ng mga magulang at mahal sa buhay ng nawawalang Ateneo student na si Christian Xavier Xavi Alegnio,” ang sabi ni Belmonte.
Ito ay matapos manawagan sa social media ang pamilya ni Xavi kung saan ang kanyang ama na si Dennis Alegnio ay humihingi ng tulong upang mahanap ang anak.
Ang ulat na nakauwi na ang estudyante ay nai-share sa kanilang mga post sa Facebook ng ilang netizens ng Oktubre 25.
Subalit walang detalye ng dahilan kung bakit ito nawala.
Ang QCPD ay bumuo ng tracker team upang puntahan ang mga lugar kung saan ito huling nakita sa naturang lungsod katuwang ang pamilya at mga kaanak ng 16 year old na si Xavi.
MA. LUISA GARCIA