SISIMULAN ng NBA champion Denver Nuggets ang NBA 2023-24 season sa Oct. 24 sa isang showdown kontra Los Angeles Lakers para sa maagang rematch ng Western Conference Finals noong nakaraang season.
Inilabas ng NBA ang full-season, teamby-team schedule nito noong Huwebes, at ang pokus ay nasa playoff teams noong nakaraang season.
Ang bakbakan ng Lakers at Nuggets ay nationally televised, at tatanggapin ng Denver players ang kanilang championship rings bago ang laro, na nakatakda sa alas-7 ng gabi. Susundan ito ng pagbisita ng Phoenix Suns sa Golden State Warriors, kung kailan maglalaro sa unang pagkakataon sina three-time NBA AllStar Bradley Beal ng Phoenix at 12-time NBA All-Star Chris Paul ng Golden State sa kani-kanilang mga bagong koponan.
Sa unang limang araw ng season, ang 10 nationally televised games ay tatampukan ng tatlong laro mula sa 2023 NBA playoffs.
Ang regular season ay magtatapos sa April 14.
Ang 2024 play-in tournament ay tatakbo mula April 16 hanggang 19, kung saan ang playoffs ay magsisimula sa April 20.
Ang Game 1 ng 2024 NBA Finals ay magsisimula sa June 6.
Related posts:
ISA NA LANG SA NUGGETS
LAKERS UMESKAPO SA NUGGETS
‘THRILLER’ (Lakers isinalba ng tres ni Kuzma vs Nuggets)
LAKERS NAKAUNA SA NUGGETS
NUGGETS RUMESBAK (Lakers pinatiklop sa Game 3)
LAKERS LUMAPIT SA NBA FINALS
(LeBron bumanat ng triple-double) NUGGETS PINAPAK NG LAKERS
LAKERS RUMESBAK; MAVS, NUGGETS NAKA-2 NA