NCAA: LIONS WALANG DUNGIS

NAPANATILI ng San Beda College ang dominasyon sa Colegio de San Juan de Letran sa NCAA 95 men’s basketball tournament kahapon sa Cuneta Astrodome.

Naitala ng three-peat champion Red Lions ang 70-66 panalo laban sa archrival Knights sa special Saturday showcase ng liga.

Nanguna para sa Red Lions ang ‘Bandana Bros.’ sa katauhan nina Evan Nelle at James Canlas, habang nag-ambag ang iba pang starters sa panalo.

“My players did a good job and I salute them for that,” wika ni head coach Boyet Fernandez.

Nagbanta ang Letran sa 66-70, may 15 segundo ang na­lalabi, subalit naging sandigan ng San Beda ang kanilang depensa upang maapula ang mainit na paghahabol ng Letran.

Umangat ang Red Lions sa 5-0 kartada, habang bumagsak ang Knights sa 5-2.

Napalawig ng San Beda ang kanilang streak laban sa katunggali sa pitong sunod na panalo. Ang huling pagkakataon na nanalo ang Letran sa rivalry game ay sa kanilang title-clinching Game 3 win noong 2015.

Tumabo si Nelle ng team-high 18 points, 7 rebounds at 3 assists, habang nag-ambag sina Donald Tankoua ng 15 points at Canlas at Calvin Oftana ng tig-11 points.

Para sa Knights ay kumamada si Jerrick Balanza ng 20 points, 5 assists at 3 assists.

Sa iba pang laro ay pinataob ng Mapua University ang Arellano University, 73-64.

Nagbuhos si Lawrence Victoria ng 29 points sa 8-of-13 field goal shooting at kumalawit ng 7 rebounds para sa Cardinals.

Iskor:

San Beda (70) – Nelle 18, Tankoua 15, Canlas 11, Oftana 11, Alfaro 6, Doliguez 6, Soberano 3, Abuda 0, Bahio 0, Carino 0, Cuntapay 0, Etrata 0

Letran (66) – Balanza 20, Ular 11, Yu 9, Olivario 7, Muyang 6, Ambohot 4, Caralipio 4, Balagasay 4, Batiller 1, Mina 0, Reyson 0, Sangalang 0, Javillonar 0

QS: 21-17, 39-32, 62-51, 70-66