NCAA: NAYVE BINITBIT ANG BLAZERS VS CHIEFS

ISINALPAK ni Robi Nayve ang krusyal na triple sa final minute ng laro upang ibigay sa College of St. Benilde Blazers ang kanilang ikalawang sunod na panalo laban sa Arellano Chiefs, 76-71, sa NCAA Season 97 men’s basketball sa La Salle Greenhills nitong Sabado.

Napigilan ng Blazers ang pagkulapso sa huli, kung saan nagawa nilang lusutan ang scoring run ni Justin Araña sa pamamagitan ng dagger three mula kay Nayve, may 55 segundo ang nalalabi bago naagaw ni JC Culiar ang bola tungo sa layup ni Jet Publico para maitakas ang panalo.

Matapos ang opening-game loss sa defending champion Letran Knights, ang Blazers ay umangat sa 2-1 win-loss card habang nalasap ng Arellano ang ikalawang sunod na kabiguan para sa 1-2 kartada.

Tumapos si Nayve na may  19 points, kabilang ang apat na  triples, habang nagdagdag si Will Gozum ng 17 points at 15 boards.

Nanguna naman si Kobe Caballero para sa Arellano na may 15 markers habang kumubra si Araña ng 14 points at  11 rebounds.

Sa ikalawang laro ay pinutol ng Emilio Aguinaldo College ang  two-game losing skid sa pamamagitan  ng dikit na 70-69 panalo kontra inaalat na Lyceum of the Philippines University.

Kumamada si Marwin Taywan ng 14 points, 8 assists, 3  steals, at 2 rebounds habang nagdagdag si JP Maguliano ng 13 markers at 11 boards para sa EAC na umangat sa 1-2 habang nahulog ang Lyceum sa 0-3.

Iskor:

Unang laro:

St.  Benilde (76) — Nayve 19, Gozum 17, Corteza 10, Marcos 7, Benson 6, Publico 6, Carlos 5, Cullar 2, Lepalam 2, Flores 1, Davis 1, Tateishi 0, Sangco 0, Mosqueda 0, Lim 0.

Arellano (71) — Caballero 15, Arana 14, Doromal 12, Sablan 10, Steinl 9, Abastillas 4, Sta. Ana 3, Valencia 2, Oliva 2, Cruz 0, Talampas 0, Concepcion 0, Carandang 0.

QS: 14-11, 36-29, 58-54, 74-71

Ikalawang laro:

EAC (70) — Taywan 14, Maguliano 13, Cosa 10, Liwag 8, Robin 6, Quinal 5, Gurtiza 5, Luciano 4, Doria Ad. 2, Cadua 2, Umpad 1, Doria An. 0, Umpad 0, Bunyi 0.

LPU (69) — Bravo 12, Navarro 9, Cunanan 9, Valdez 9, Barba 9, Remulla 8, Larupay 7, Guadaña 3, Gaviola 2, Umali 1, Guinto 0, Silvarez 0, Jabel 0.

QS: 22-9, 37-34, 52-52, 70-69