MAGIGING sentro ng talakayan ang nalalapit na season 95 ng National Collegiate Athletic Association (NCAA) sa session ng Philippine Sportswriters Association (PSA) Forum ngayon sa Amelie Hotel-Manila.
Bibisita si Peter Cayco ng Arellano University at ang NCAA Management Committee chairman ngayong taon upang talakayin ang naghihintay sa bagong season ng pinakamatandang collegiate league sa bansa.
Ang Arellano ay magiging NCAA host sa unang pagkakataon, kung saan ang centerpiece event na basketball ang muling magbubukas sa season sa Hulyo 7 sa Mall of Asia Arena.
Hinihikayat ang mga miyembro ng PSA na dumalo sa session na handog ng San Miguel Corp. Braska Restaurant, Amelie Hotel, at ng Philippine Amusement and Gaming Corporation (PAGCOR).
Comments are closed.