(Negosyo ng OFW pumatok ngayong pandemya) KAKAIBANG LASA NG ‘PARES’ BINABALIKAN

SA bawat subo ng sabaw ng kanyang tindang “Pares-Mami”, aakalain mong kumakain ka sa isang sikat ng kainan.

Sa lasa at timpla, garantisadong swak sa panlasa ng masa.

Siya si Robert T. Cuello, 40-anyos, may asawa at isang anak at residente ng Brgy. Bagbag 1, Rosario, Cavite.

Dating Overseas Filipino Worker (OFW) sa Japan at nang dahil sa pandemya, nahirapan si Robert na makabalik sa abroad.

Dahil dito, naisip niyang magtayo ng isang negosyo na tatangkilikin ng mga tao.

At ang pagtitinda ng pares-mami ang kanyang napiling hanap-buhay.

Masasabing nagtagumpay siya sa kanyang napiling negosyo.

Dahil, araw-araw, ubos ang kanyang panindang pares.

Kumikita siya ng halagang P3,000 sa bawat kaldero na mauubos.

Dalawang beses bawat araw siya kung magtinda ng pares. Isa sa umaga at isa sa hapon.

Ayon sa kanyang mga suki, may kakaibang sarap ng lasa kasi ang paninda pares ni Robert.

Yung tipong hanggang sa huling patak ng sabaw sa iyong tasa ay nanamnamin at haha­nap-hanapin mo.

Isa lamang si Robert sa mga dating OFW na hindi pa rin nabibigyan ng pagkakataon na ma­kabalik sa abroad nang dahil sa pandaigdigang suliraning pandemya.

Subalit matagum­pay na humaharap ngayon sa hirap ng buhay.

Para kay Robert, ang kanyang panindang pares ay mag-iiwan ng hindi malilimutang lasa.

Kaya ano pang hinihintay nyo, atin ng dayuhin ang kanyang paninda. SID SAMANIEGO

Related posts:

(Sa gitna ng pandemya) REMITTANCES NG OFWs BUMULUSOK (Stranded dahil sa pandemya) 80K OFWS PAUUWIIN SA PINAS (Dahil sa COVID-19 crisis) REMITTANCES NG OFWs APEKTADO PAGBANGON NG TURISMO SA GITNA NG PANDEMYA ILAW NG PAG-ASA SA GITNA NG PANDEMYA REMITTANCES NG OFWs BUBULUSOK DAHIL SA COVID-19 PANDEMIC PAGBALING SA ISPORTS SA PANAHON NG PANDEMYA AYUDA SA DEPENDENTS NG OFWs PINADARAGDAGAN SA GITNA NG PANDEMYA