LAMAN ng mga balita ngayon ang showbiz couple na sina Neri Naig at Chito Miranda dahil sa rumors 
na may relasyon si Chito sa model-actress na si Bubbles Paraiso. Pero hindi apektado si Neri rito dahil alam naman daw niyang walang katotohanan ang tsismis, magkaibigan lang daw ang dalawa at mahal siya ni Chito.
Mas may pakialam pa raw si Neri sa matagal nang negosyong Gourmet Tuyo na mabentang-mabenta online. Kahit moneyed si Chito ay mas maganda raw kung may pinagkakakitaan din ang dating Kapamilya star, na bago nagtayo ng negosyong tuyo ay pinasok ang bakery, ukay-ukay shops at bed-and-breakfast.
“Iba pa rin ang may pera kang sarili, nahihiya akong magpabili sa kanya, eh, ayun practical siya na tao,” paglalarawan pa nito sa Parokya ni Edgar frontman, Chito Miranda.
“Dati gusto ko ng kaldero, tinanong niya, ‘Aanhin mo ‘yan?’ Kaya sabi dapat may sarili akong pera,” sey pa ni Neri na super happy and contented daw sa kanyang married life.
MERANIE GADIANA RAHMAN NEWLY CROWNED MRS. WORLD PHILS 2019 SA PARIS, FRANCE
NADAGDAGAN na naman ang crown titles ni Meranie Gadiana Rahman, nang siya ang koronahang 
“Mrs. World Philippines 2019” noong Oct. 22 sa Paris, France.
Pangarap lang ng Mrs. Hawaii Transcontinental 2019 at Mrs. Global International 2019 ang makarating sa Paris kung saan nakipag-compete nga siya sa kapwa kandidata para sa Mrs. World Philippines na without expectation ay siya nga itong nakasungkit ng korona.
Sa pagrampa pa lang, gown na suot at husay sa pagsagot sa Q and A ay standout na si Meranie kaya siya choice ng jury para manalo sa nasabing beauty pageant. Narito naman ang kanyang runners up: 1st Runner Up-Cebu Philippines Aida Patana 111; 2nd Runner Up-
Melbourne Australia Noemi Laude Saltsidis, 3rd Runner Up-Hongkong Raquel Utleg, 4th Runner Up-France Marilyn Alimoren at mula sa West Australia Marilyn Lyn Barnard bilang 5th Runner Up.
Samantala, sa post ni Meranie sa kanyang Facebook account ay masayang ibinalita nito “I am very proud to announce that I won the very prestigious title of Mrs. Philippines World 2019 last night (Oct. 22) in Paris – France, the title that I have dreamed of for a long time.”
Applauded at pinagkaguluhan ng photographers si Meranie sa kanyang first walk as the newly crowned Mrs World Philippines.
‘BAWAL ANG JUDGEMENTAL’ SEGMENT NG EAT BULAGA VERY ENTERTAINING AT DAGDAG TALINO
ILANG celebrities na ang nag-guest at naglaro sa bagong segment sa Eat Bulaga na “Bawal Ang Judgemental” at ‘yung episode na panauhin si Gladys Reyes ang aming napanood. Very entertaining ang nasabing portion na daily ay may guest ang Eat Bulaga ng mga Dabarkads at sa kanila magmumula ang itatanong ni Bossing Vic Sotto.
Bago sagutin ang questions(selection type) ay bibigyan ang celebrity contestant ng P50k. At sa bawat maling sagot ay babawasan ang pera niya ng P5K. Hanggang 3 rounds ito kaya dapat maging matalas at mabilis sa pick-up ang contestant para buong 50,000 cash ang kanyang maiuwing premyo.
Walang uuwing luhaan sa Bawal ang Judgemental at malaking halaga ang mapapanalunan mo lalo na kung mabilis kang mag-isip.
