NESTHY, IKAW ANG TUNAY NA GOLD MEDALIST

RAMDAM ng sambayanang Pilipino ang masaklap na pagkatalo ni Nesthy Petecio para magkasya sa silver medal sa Tokyo Olympics.

Masakit para sa ating lahat na hometown decision ang nangyari.

Kung susuriin ang laban, sa first round lang lumamang ng isang puntos ang Japanese na kalaban ni Nesthy. Sa mga sumunod na round ay kitang-kita naman ang pagiging agresibo ng ating kababayan upang makaungos.

Saka hindi ba nakita ng mga hurado ang mala- wrestling na laban? Walang ginawa ang Haponesa kundi ang yumakap nang yumakap at lumambitin kay Petecio.

Sabi nga ng marami, naulit na naman ang nangyari kay Onyok Velasco sa laban ni Petecio kay Irie Sena. Sakit sa bangs, ‘di katanggap-tanggap na silver lang ang nakuha ni Nesthy.

Si ABAP president Ricky Vargas ay walang masabi sa resulta. Sa sarili naming opinion, pakiramdam ni Boss Ricki ay na 1-2-3 tayo. Siyempre, hindi iyon masabi ni Mr. Vargas dahil siya ang presidente ng ABAP at kailangan ay maging sport at tanggapin kung ano ang naging resulta ng laban.

Para sa aming mga kababayan mo, Nesthy, ikaw ang tunay na nagwagi ng gintong medalya. MABUHAY KA!

vvv

Abangan naman natin ang laban ng isang pang Pinoy boxer na si Carlo Paalam. Kahapon ay tinalo niya ang kanyang kalabang Uzbekistan na isang world champion. Umabot lang sa 2nd round ang bakbakan. Itinigil ng referee ang laban dahil may cut ang kaliwang bahagi ng kilay ng kalaban ni Paalam. At malaki umano ang sugat. Ayaw sana ng boksingero dahil kaya naman niyang lumaban pa. Subalit nagdesisyon ang doctor na itigil na ang laban. At kahit ituloy pa ang laban ni Carlo ay sigurado naman na siya ang mananalo dahil lamang siya.

Dalangin namin na maiuwi ni Carlo ang ikalawang gintong medalya ng Pinas sa 2020 Tokyo Olympics.. Kaso ay kakaba-kaba tayo dahil ang makakaharap niya ay isa na namang Japanese.

Dapat sa unang round pa lang ay more action na si Paalam, huwag mong tantanan ng suntok! Congrats and good luck!

Related posts:

GOLD AASINTAHIN NI PETECIO SA PARIS 2024 OLYMPICS BONG GO, DELA ROSA FILE SENATE RESOLUTION CONGRATULATING AND COMMENDING DAVAOEÑA SAMBIST TANCONTIAN FOR WINNING GOLD AT THE 2022 ASIAN SAMBO CHAMPIONSHIPS OLYMPIC MEDALISTS PAALAM, PETECIO SA 2022 BATANG PINOY OPENING PUERTO PRINCESA ARCHERS TUMUHOG NG 7 GINTO SA PSC-BATANG PINOY PETECIO TODO PAGHAHANDA SA 3 OLYMPIC QUALIFYING TOURNAMENTS PETECIO-LED PH TEAM SASABAK SA BULGARIA, INDIA 3 PANG JIU JITSU FIGHTERS PUNTIRYA ANG GOLD UNANG GOLD SA BP PINEDAL NG QC CYCLIST