TUTUNGO si New Zealand Prime Minister Christopher Luxon sa Pilipinas kasama ang isang senior business delegation sa susunod na linggo.
Sinabi ng New Zealand government na makikipagpulong si Luxon kay Presidente Ferdinand R. Marcos Jr. at sasaklawin ang mas maraming oportunidad para sa Kiwi businesses habang nasa bansa.
Ang kanyang Manila visit ay bahagi ng kanyang three Southeast Asian-nation tour mula April 14 hanggang 20. Si Luxon ay manggagaling sa Singapore at Thailand.
“The Philippines is one of the fastest growing economies in the region and expected to be a top 20 global economy by 2050. I am looking forward to reconnecting with President Marcos, to advancing our countries’ relationship of nearly 60 years, and to scoping more opportunities for New Zealand businesses,” pahayag niya sa isang statement na may petsang April 8.
“Continuing to foster our global relationships can only benefit the New Zealand economy and I intend to pursue these relationships in South East Asia and around the world,” dagdag pa niya.
Naunang tinukoy ng New Zealand Foreign Affairs and Trade Ministry ang renewable energy, environmental and social deliverables, at back office support and skilled labor bilang “areas of significant potential” para sa mga negosyo ng New Zealand sa bansa.
Bukod sa business delegation, sasamahan nina New Zealand Minister of Climate Change and Revenue Simon Watts at Paulo Garcia, ang unang Filipino Member of Parliament ng New Zealand, si Luxon sa Manila.
Ito ang magiging unang dedicated visit ng isang New Zealand Prime Minister sa Pilipinas sa nakalipas na 14 taon.
(PNA)
