NASA 2.5 milyong trabaho ang inaasahang malilikha ng pamumuhunan ng pamahalaan sa imprastruktura ngayong 2022, ayon sa National Economic Development Authority (NEDA)
“Based on NEDA estimates, the strategic investment in infrastructure is expected to impact an increase in productive activities and support job generation of 2.3 million in 2021 and 2.5 million in 2022, including, of course direct and indirect employment,” pahayag ni NEDA Undersecretary Roderick Planta.
Tiniyak naman ng Department of Public Works and Highways (DPWH) na matatapos ng kasalukuyang administrasyon ang 89 infrastructure flagship projects (IFPs) at inaasahang maipatutupad ng susunod na administrasyon sa 2023.
Sinabi ni Planta na base sa kanilang pagtaya, ang pagpapatupad ng infrastructure flagship projects ay makalilikha ng 580,000 trabaho sa 2021 at 620,000 sa 2022.
“We view that these infrastructure investments in ‘Build Build Build’ and infrastructure flagship projects are vital in stimulating the economy and facilitating recovery, considering the potential multiplier effects and creating jobs and stimulating growth,” ani Planta.
Ayon kay Emil Sadain, DPWH chief implementer ng ‘BBB’ flagship projects, sa 119 IFPs ng administrasyong Duterte, 18 ang matatapos sa Hunyo at 12 pa ang makukumpleto bago matapos ang 2022.
Kumpiyansa si Saddin na muling bibisitahin at ipatutupad ng susunod na administrasyon ang nalalabing 89 projects dahil aprubado ito ng NEDA Investment Coordination Committee board.
“Most of these (projects) actually have high impact, economic and investment returns. There’s no way that the next administration will shelve most of these projects, but instead they will look and revisit them,” aniya.
Kabilang sa major projects na ipapasa sa susunod na administrasyon ang Metro Manila Subway project, North and South Commuter Rail project, Bataan-Cavite Interlink bridge, Panglao-Tagbiliran City offshore,Panay Guimaras Negros link, at ang Cebu Mactan bridge project.
