RIZAL-NAGHIHIMAS ng rehas na bakal ang 54-anyos na No. 1 most wanted sa kasong murder at 2 counts ng attempted murder na lider ng gun for hire sa bayan ng Rodriguez sa lalawigan ito.
Ayon sa ulat ni Lt. Col. Marcelino Pipo Jr, hepe ng pulisya kay Rizal PNP Provincial Director Col. Dominic Baccay, kinilala ang nadakip na si Juan Raga y Pacheco, may asawa, residente ng Barangay San Isidro ng nabanggit na bayan.
Nabatid na dakong ala-5:15 ng hapon kamakalawa nang masakote ng grupo ni Lt. Fernan Romulo ang suspek gamit ang mga warrant of arrest laban dito sa Barangay San Isidro.
Nauna rito, naglabas ng mga warrant of arrest sina Hon. Judge Josephine Zarate Fernandez ng RTC Branch – 76 ng San Mateo na two counts ng attempted murder at paglabag sa PD1866 ng akusado na isyu ni Presiding Judge Hon. Apollo S. Matala ng Municipal Trial Court (MTC) ng Rodriguez Rizal si Raga na notorious criminal gang leader ng gun for hire sa lalawigan ng Bulacan at ilang bayan.
Ayon kay Pipo, kabilang sa mga humuling operatiba sa suspek sina Maj. Joel Costudio ng Rizal Intelligence Unit (PIU), RIU4A at Capt. Aldrich Keith Bartolome.
Nasa talaan ng pulis na ang suspek ay Top 1 most wanted sa buong CALABARZON . ELMA MORALES