CAMP CRAME – Itinanggi ng Philippine National Police (PNP) na ang pagbibitiw sa tungkulin ni Police General Oscar Albayalde ay dahil sa pressure ng mga retired general mula sa Philippine Military Academy (PMA).
Ito ay matapos na ibunyag ni Senador Richard Gordon na mayroong mga kumakalat na message mula sa retired general ng PMA na binansagang “Save PNP” na nananawagan sa pagbaba sa puwesto ni Albayalde.
Subalit ayon kay PNP Spokesperson Brig. Gen. Bernard Banac wala siyang ideya sa sinasabing kumakalat na text at online messages laban kay Albayalde.
Giit ni Banac, dapat ay mabigyan din ng pagkakataon si Albayalde na malinis ang kaniyang pangalan at huwag muna itong husgahan kaagad habang wala pang kongkretong ebidensya na nailalantad laban sa kaniya.
Noong Lunes, bumaba sa kanyang puwesto bilang PNP chief si Albayalde at pinili ang non-duty status dahil sa personal na kadahilanan at pag-aalala sa kanyang nadadamay na pamilya kaugnay sa isyu ng “ninja cops”.
Nakatakda siyang magretiro sa Nobyembre 8 sa pagsapit ng kanyang retirement age na 56. REA SARMIENTO
Related posts:
(Kung ipipilit, dapat may batas din sa mga ‘kalbo’) SOGIE BILL ‘DI KAILANGAN – PNP CHIEF GEN. ALBAYALDE
(Albayalde ginawaran ng testimonial parade) PAGHAHANAP SA NEXT PNP CHIEF SIMULA NA
(Sa pag-endorso sa next PNP chief) ALBAYALDE GINIGIBA
(Kaugnay sa operasyon ng ninja cops) ALBAYALDE HAHARAP SA IMBESTIGASYON NG DILG
PLANONG PAGSIBAK KAY ALBAYALDE ‘DI PATAS
ALBAYALDE MAAGANG MAGRERETIRO
(Nasa non-duty status na) ALBAYALDE NAGBITIW
(Hiniling na huwag nang bigyan ng retirement honors) ALBAYALDE PINILI ANG GRACEFUL EXIT SA PNP
Comments are closed.