NOBLE QUEENS UMAKYAT NG BUNDOK PARA SA KALIKASAN

ISA sa mga adbokasiya ng Noble Queen of the Universe ang pangangalaga sa kalikasan.

Kamakailan ay nagsagawa ang mga beauty queen ng tree-planting sa paligid ng Wawa dam sa Montalban, Rizal.

Pinangunahan ng chairperson ng Noble Queen of the Universe Philippine franchise owner Eren Noche, kasama sina Noble Queen of the Universe 2019 Patricia Javier, Noble Queen Globe 2020 Aditi Ahuja (India), Ambassadress of the environment Jeannette Kamphuis (Sweden), at iba pang Noble Queens, kasama ang reigning Noble Queen International 2020 Giselle Sanchez, umakyat ang mga ito sa bundok ng Montalban na mga nakasuot ia ng sash, at tumawid sa ilog ng Wawa Dam upang makarating sa maliit na Barangay San Roque.

Nasa 250 puno ng kawayan ang itinanim ng mga beauty queen at pagkatapos ay namigay rin sila ng goodies sa mga residente na ang tanging ikinabubuhay ay ang pagbebenta ng kawayan. SCA