(Noong Disyembre) MANUFACTURING OUTPUT NG PH TUMAAS

TUMAAS ang manufacturing output ng Pilipinas sa three-month high noong Disyembre, ayon sa Philippine Statistics Authority (PSA).

Gayunman ay bumagal ang paglago ng manufacturing ng bansa noong nakaraang taon.

Sa ulat ng PSA, ang volume of production index (VoPI) ay tumaas ng 2.0% noong nakaraang Disyembre, ang pinakamataas sa loob ng tatlong buwan magmula nang maitala ang 9.8% noong Setyembre.

Mas mataas din ito  sa 1.8% na naitala noong Oktubre, ngunit mas mababa sa downward-revised 4.5% na naitala noong Disyembre 2022.

“The expansion in the annual growth of the VoPI in December 2023 was mainly brought about by the slower annual decline in the manufacture of food products,” ayon sa PSA, kung saan ang division ay nagtala ng 1.4% na pagbaba laban sa 4.9% pagbaba noong Nobyembre 2023.

“The manufacture of food products contributed 34.5% to the uptrend of VoPI for the manufacturing section in December 2023,” sabi pa ng PSA.

Ayon sa PSA, ang mas mabagal na pagbaba ay dahil sa  manufacture of vegetable and animal oils and fats, prepared animal feeds, at manufacture of dairy products.

Siyam na industry divisions ang nagtala ng pagtaas noong Disyembre. Ang mga ito ay kinabibilangan ng manufacture of basic pharmaceutical products, 38.2%; coke and refined petroleum, 38.1%; electrical equipment, 30.8%; basic metals, 20.8%; transport equipment, 16.4%; textiles, 10.0%; furniture, 3.3%; paper, 2.8%, at reproduction of recorded media, 1.3%.

Naitala naman ang pagbagal sa 13 industry divisions — wood, bamboo, can, rattan articles, 55.3%; leather and related products, 33.0%; machinery,  17.8%; computer, electronic and optical products, and beverages, tig-16.5%; other non-metallic mineral products, 15.6%; fabricated metals, 12.0%; tobacco products, 11.9%; rubber and plastic products, 8.9%; wearing apparel, 7.8%; chemicals, 2.8%; other manufacturing and repair, 2.3%; at food products ng 1.4%.

Samantala, tumaas ang value of production index (VaPI) ng 2.6%, mas mabilis sa 2.0% na naitala noong Nobyembre ngunit mas mabagal sa 10.1% sa kaparehong buwan noong 2022.

“The expansion in the annual growth of the VaPI in December 2023 was mainly attributed by the slower annual decrease in the manufacture of food products,” pahayag ng PSA, kung saan ang division ay nagtala ng 0.8% pagbaba kumpara sa 3.7% drop noong Nobyembre 2023.

“The biggest annual growths for the month were seen in the manufacture of basic pharmaceutical products at 38.4%, coke and refined petroleum products by 32.5%, and electrical equipment by 31.9%,” ayon sa PSA.

Ang pinakabagong numero ay naghatid sa full-year VoPI growth sa 4.4%, mas mabagal sa 15.1% noong 2022, at sa 52.6% noong 2021. Ang paglago ng VaPI ay naitala sa  5.9%, bumaba mula sa 22.5% noong 2022 at 49.2% noong 2021.