(Noong November 2022)$793-M FDIs PUMASOK SA PINAS

UMABOT sa USD793 million ang net foreign direct investments (FDIs) na pumasok sa bansa noong November 2022, ayon sa Bangko Sentral ng Pilipinas (BSP).

Sinabi ng BSP na bumaba ang net FDI inflows noong nakaraang Nobyembre ng 43.6 percent mula USD1.4 billion na naitala sa kaparehong buwan noong 2021.

“This resulted from the drop in non-residents’ net investments in debt instruments and reinvestment of earnings. Meanwhile, net placements of equity capital rose year-on-year for the third consecutive month,” pahayag ng BSP sa isang statement.

Ayon kay Rizal Commercial Banking Corp. (RCBC) economist Michael Ricafort, ang pagbaba sa net inflows ay maaaring dahil sa mas mataas na base effects noong November 2021, nang magbalik ang gana para sa investments matapos pumutok ang pandemya noong 2020.

“The slowdown in the net FDI data may also have to do with higher short-term interest rates and the peak in long-term interest rates in the United States/globally/locally around October-November 2022,” ani Ricafort, at idinagdag na ang mga kaganapang ito ay nagpataas sa borrowing costs.

Ayon sa central bank, ang top sources ng equity capital placements noong November 2022 ay ang Japan, Singapore at US.

Ang top sectors na may equity capital placements para sa buwan ay kinabibilangan ng manufacturing, information and communication, at real estate industries.

“The year-to-date FDI net inflows likewise declined by 13.4 percent to USD8.4 billion from the USD9.7 billion recorded in the first eleven months of 2021. By component, non-residents’ net investments in debt instrument and reinvestment of earnings declined while their net placements of equity capital increased during the period,” dagdag pa ng BSP.

PNA