NAGLABAS ng larawan ni North Korean Leader Kim Jong Un ang Korean Central News Agency (KCNA) na pag-aari ng NoKor government.
Ito ay ilang araw matapos lumabas ang ispekulasyon hinggil sa malala umanong kalusugan ni Kim na sumailalim sa cardiovascular procedure.
Batay sa lumabas na larawan, makikita si Kim sa isang ribbon cutting ceremony na ginanap kamakalawa, Mayo 1 habang masaya ring nakikipag-usap sa kanyang mga aide.
Gayunman wala pang patunay sa authenticity ng lumabas na larawan.
Maliban dito, naiulat din ng KCNA ang pagdalo ni Kim sa bagong tayong fertilizer plant sa hilagang bahagi ng Pyongyang.
Huling nakita sa publiko si Kim noong Abril 11 na dahilan ng paglabas ng ulat hinggil sa masamang lagay ng kalusugan nito. DWIZ882
Comments are closed.