LAGUNA – ISANG miyembro ng New People’s Army terrorist ang napatay ng mga sundalo kasunod ng naganap na sagupaan sa Famy sa lalawigang ito kamakalawa.
Ayon sa Philippine Army nakasagupa ng 2nd Infantry “Jungle Fighter” Division (2ID) ang isang grupo ng Communist Terrorist Group (CTG) sa liblib na lugar sa bayan ng Famy habang nagsasagawa ng combat security operation ang 202nd Infantry Brigade.
Kasunod ito ng sumbong ng mga lokal na naninirahan sa lugar hinggil sa presensya ng mga armadong kalalakihan na nagsasagawa ng extortion activities sa Sitio Sigsigan sa Barangay Bacong.
Sinasabing pinaputukan ng mga armadong kalalakihan ang mga rumerespondeng sundalo kaya nagkaroon kaagad ng engkwentro bago nagpasyang tumakas.
Wala namang nasaktan sa hanay ng mga sundalo subalit sinasabing isang babaeng NPA ang inulat na nasawi na kinilalang si Agnes Lingay, kilala rin bilang alyas Jimy, Judy, at Esek sa underground movement.
Nabawi sa bisinidad ng encounter site ang isang short firearm na may magazine na may anim na live ammunition, backpack, isang handheld radio, headset, at assorted medicines at personal belongings.
“The support of our fellow citizens is a testament to their confidence in our efforts to maintain peace and security. Rest assured, we remain committed to protecting our communities and responding promptly to any threats that endanger their safety and well-being,” pahayag ni 2ID commander Maj. Gen. Cerilo Balaoro Jr.
VERLIN RUIZ
Related posts:
LIDER NG NPA NALAMBAT NG MILITAR AT PULISYA SA BUTUAN CITY
SUNDALO AT CAFGU HOSTAGE NG NPA
REBELDE SINAMANTALA ANG GIYERA, NAKAPUSLIT
18 NPA KINASUHAN NG MURDER SA SB MEMBER
3 LIDER NG NPA SUMUKO SA MILITAR AT PULISYA
ESTABLISIMIYENTO NILOOBAN SA KASAGSAGAN NG ULAN
2 BARGES NG MINAHAN SINUNOG NG NPA
NPA KUMITA NG P5.3-B SA EXTORTION ACTIVITIES