SAMAR – PATAY ang isang mataas na opisyal ng communist New People’s Army nang makasagupa ang elemento ng 46th Infantry Battalion ng 8th Infantry Division Philippine Army sa Catbalogan City sa lalawigang ito.
Sa ulat na ipinarating sa tanggapan ni Army Commanding General Lt. Gen Roy Galido, nasabat ng kanilang mga tauhan ang isang pulutong ng CPP-NPA sa Barangay Cawayan nitong nakalipas na Linggo na tumagal ng kulang kalahating oras bago nagpasyang tumakas ang mga kasapi ng CTGs at iwan na lamang ang napaslang na lider.
Kinilala ang napatay na NPA leader na si Artemio Solayao alias Budil, pinuno ng Squad 2, Yakal Platoon, SRC Browser ng Eastern Visayas Regional Party Committee (EVRPC).
Si Solayao na nakuhanan pa ng kalibre 45 pistola ay may nakabinbing multiple warrants of arrest dahil sa mga karahasang inihasik nito kabilang ang pananambang sa14th Infantry Battalion sa Maypadandan, Catbalogan City, ayon kay BGen. Lenart R. Lelina, Brigade Commander ng 801st Infantry Brigade.
VERLIN RUIZ
Related posts:
LIDER NG NPA NALAMBAT NG MILITAR AT PULISYA SA BUTUAN CITY
SUNDALO AT CAFGU HOSTAGE NG NPA
REBELDE SINAMANTALA ANG GIYERA, NAKAPUSLIT
18 NPA KINASUHAN NG MURDER SA SB MEMBER
3 LIDER NG NPA SUMUKO SA MILITAR AT PULISYA
2 BARGES NG MINAHAN SINUNOG NG NPA
NPA KUMITA NG P5.3-B SA EXTORTION ACTIVITIES
5 NPA NA SUMUKO INIHARAP KAY GEN. ALBAYALDE