Tinatayang umaabot na sa 22,073 .09 ektarya ng lupaing pang agraryo na nataniman na ng 36,102 magsasaka ng tobacco ang na-validate na ng pamahalaan sa mga taong 2023-2024.
Ayon kay National Tobacco Administration (NTA) Administrator at CEO Belinda S. Sanchez, ang hakbang na ito ay bahagi ng kasalukuyang isinasagawa ng ahensya na digitalization program upang ma-validate at masiyasat ang mga aktwal na lugar na kinaroroonan ng tobacco farmer–partners.
Pag – iibayuhin pa ng ahensya ang paggamit ng makabagong teknolohiya ng drone upang gawan ng mapa ang tobacco plantations sa buong bansa na isa anyang hudyat ng mga pagbabago sa mga regulatory programs ng ahensya.
Bawat isa ng walong sangay ng ahensya ay bibigyan ng isang yunit na DJI Mavic 3 Enterprise Drone at karagdagang drone unit naman ang ibibigay sa Farm Technology and Services Department (FTSD).
Ang drone supplier ay nagsagawa naman ng mga serye ng session ng pagsasanay sa basic operations, safety, at maintenance ng mga equipment, kabilang ang data processing. Tatlong staff members ng bawat sangay ng ahensya ay nakakumpleto ng pagsasanay noong Disyembre 2023 at Marso 2024.
Ipinaliwanag ni NTA oversight official, Undersecretary Deogracias Victor B. Savellano na ang inisyatibo ay bahagi ng modernisasyon at digitalization ng agrikultura ayon sa agenda ni Agriculture Secretary Francisco P. Tiu Laurel, Jr.
Sinabi ni NTA Deputy Administrator for Operations (DAOP) Nestor C. Casela at Deputy Administrator for Support Services (DASS) Benedicto M. Savellano na ang drone technology ay nagpapakita ng inobasyon at efficiency, na magpapalakas ng kakayahan ng NTA na magpatupad ng mga function at kapangyarihan nito tulad ng area validation ng mga aktwal na tobacco plantations.
Ayon sa high-resolution aerial imaging and geospatial analysis na nakunan ng drones, ang mga tobacco plantations ay makukunan ng aktwal at magkakaroon ng saktong sukat at computation ng mga volume ng production.
Tanggap naman ng Farmer leader na si Bernard R. Vicente, re-elected president ng National Federation of Tobacco Farmers Association at Cooperatives (NAFTAC),at sinabing mapapabilis ng naturang drone technology ang validation ng lugar ng tobacco plantation.
Sinabi naman ng Full Transmission Start Date for Assignment (FTSD) Manager Juanito Maloonm na para sa cropping Year 2023 – 2024, 100% ng mga lugar na nataniman ng iba ibang uri ng tabako sa Luzon ay na-validate na sa pamamagitan ng naturang teknolohiya.Ang mga uri ng tabako na naitanim ay ang Virginia, Burley, at Native.
Nagsimula na rin ng validation sa tobacco plantations sa Mindanao gamit ang nasabing teknolohiya. Ma. Luisa Macabuhay-Garcia
