LAGUNA – NAKALIGTAS sa tiyak na kamatayan ang 28-anyos na babaeng nurse matapos pagbabarilin ng hindi kilalang lalaki sa bahagi ng supermarket parking area, Barangay Balibago sa Sta. Rosa City, Laguna kamakalawa ng hapon.
Sa police report na isinumite kay P/Lt. Col. Vicente Amante, hepe ng pulisya, kinilala ang biktimang si Jules Catalan Chang at pansamantalang naninirahan sa San Lorenzo South Subdivision, Barangay Malitlit sa nasabing lungsod.
Batay sa police report, naganap ang pamamaril bandang alas-4 ng hapon habang papasakay ng SUV ang biktima na nagtamo ng tama ng bala sa likuran at kaliwang braso.
Mabilis na tumakas ang gunman patungo ng kabayanan habang naisugod naman sa Santa Rosa Hospital and Medical Center ang biktima.
Narekober sa crime scene ang 3 basyo ng bala ng cal. 45 pistol habang sinisilip ng mga imbestigador ng pulisya ang anggulong love triangle sa naganap na krimen. DICK GARAY
Comments are closed.