DEAD on the spot ang isang 24-anyos matapos na tamaan ng pangkaykay ng backhoe malapit sa isang ilog sa Brgy. Agdugayan, Iba-jay, Aklan.
Humampas sa katawan ng biktimang si John Ian Daguno, residente ng Brgy. Rizal sa nasabing bayan, habang ang operator naman ng backhoe na kinilalang si Melchor Tenorio ay kaagad na tumakas matapos ang insidente.
Base sa report, naganap ang insidente habang nagkakarga ang biktima ng buhangin na kung saan ay hindi napansin ng driver na nakapuwesto sa kanang bahagi ng dump truck si Daguno.
Nabatid na nagulat na lamang umano ang suspek nang biglang may kumalabog sa likod.
At pagtingin sa side mirror ay nakitang naipit ang biktima.
Samantala, personal na dumulog sa Ibajay Police Station ang may ari ng dump truck at nangakong magbibigay ng tulong pinansiyal sa pamilya ng biktima.