KUWAIT – NAHAHARAP sa kaso ang isang overseas Filipino worker (OFW) makaraang tulungan ang mga kababayang domestic helper na umano’y minamaltrato ng kanyang amo sa bansang ito.
Ang Pinoy na isang taxi driver ay sinabihang lumabag sa batas ng Kuwait nang saklolohan ang mga kababayang nagplanong takasan ang kanilang mga amo.
Ayon kay Chargé d’Affaires Mohammad Noordin Lomondot, kasong kidnapping ang posibleng kaharapin ng Pinoy taxi driver.
Gayunman, tiniyak ni Lomondot na kanilang aayudahan sa legal ang Pinoy.
Sinasabing ginamit ng Pinoy ang kaniyang Facebook account para tulungan ang mga domestic helper na makaalis sa pinasukan ng mga ito.
Nabasa sa FB ng Filipino taxi driver na isang OFW ang nagsabi na sunduin nito ang isa sa nais na tumakas na DH.
Giit naman ng Pinoy taxi driver na walang masama sa kanyang ginawa dahil tumulong lamang siya sa kababayan.
Sa ngayon ay nasa kustodiya na ng Office of the Domestic Welfare Affairs ang Pinoy. EUNICE C.
Related posts:
OFWs TODO INGAT VS SANDSTORM
OFW WAGI SA DANCE COMPETITION
OFWs MGA PINOY SA ISRAEL PINAG-IINGAT VS KILOS PROTESTA
SKILLED AT PROFESSIONAL OFWs SA KUWAIT ‘DI NA OBLIGADONG UMUWI
LABI NG OFW NA NATAGPUAN SA SEPTIC TANK IUUWI NA
36-ANYOS NA OFW PATAY SA SLOVAKIA SA PAGTATANGGOL SA 2 BABAE
HUSTISYA SIGAW NG PAMILYA NG OFW NA NAHULOG SA GUSALI SA LEBANON
LABI NG NAPATAY NA OFW SA SLOVAKIA NAIUWI NA
Comments are closed.