PINAWI ni Labor Secretary Silvestre Bello III ang pangamba na ang pagpapatupad ng temporary travel ban sa Taiwan ay may hindi magandang epekto sa overseas Filipino workers (OFWs).
Kumpiyansa rin si Bello na kaagad na aalisin ng pamahalaan ang naturang travel ban, na ipinatupad dahil sa banta ng COVID-19.
Mahigpit na nakikipag-ugnayan sa Department of Health (DOH) si Bello hinggil sa isyu.
Nakapagpadala na rin umano siya ng request na alisin na ang ban sa mga papaalis na manggagawa.
“For those who are affected by the travel ban in Taiwan, we ask for your patience and in a few days, there will be a review. While waiting for the lifting of the ban, we are providing financial assistance,” ani Bello.
Tiniyak pa ng labor chief na ang mga miyembro ng Overseas Workers Welfare Administration (OWWA) na apektado ng ban ay makakatanggap ng P10,000 financial assistance, gayundin ng accommodation, food at transportation assistance.
Umaapela rin siya ng pang-unawa sa mga apektadong OFW at hiniling na maghintay pa sila ng tatlo hanggang limang araw. ANA ROSARIO HERNANDEZ
Related posts:
(Dahil sa nCoV) TRAVEL BAN DIN SA TAIWAN
91 OFWs NA GALING TAIWAN ISINAILALIM SA PAGSUSURI
TRAVEL BAN SA TAIWAN MANANATILI
TRAVEL BAN SA TAIWAN INALIS NA
(Sa pagbawi ng travel ban) TAIWAN NAGPASALAMAT
OFWs NA NASAWI SA COVID-19 IKE-CREMATE- DOH
(OFWs natetengga) DAGDAG NA TESTING BOOTH SA NAIA HINILING
OFWs SA LEBANON PINAUUWI NA
Comments are closed.