MAYNILA – PINAIIWAS ng isang Catholic bishop ang mga overseas Filipino worker (OFW) sa mga kilos-protesta sa Hong Kong.
Kasunod ito nang naganap na pag-aresto sa isang manggagawang Pinoy na napagkamalang nakikilahok sa rally sa Mong Kok district nitong Sabado.
Ayon kay Balanga Bishop Ruperto Santos, na pinuno ng migrants’ ministry ng Catholic Bishops’ Conference of the Philippines (CBCP), dapat na maging maingat at umiwas ang mga OFW sa mga naturang kaguluhan, upang hindi sila mapahamak at hindi rin malagay sa alanganin ang kanilang trabaho.
“We remind them to stay away from places where rallies are held, never join any gathering and always keep in mind the directives of our Department of Foreign Affairs officials there,” aniya pa.
Kaugnay nito, umapela rin si Santos sa pamahalaan na tulungan ang naturang inarestong OFW.
“We kindly request the valuable assistance and urgent help of DFA officials there for our arrested Filipino in Hong Kong,” panawagan niya. “They came with sole intentions to work as to improve the lives of their loved ones, and they are observant of the laws and customs of Hong Kong.”
Una naman nang nilinaw ng isang opisyal ng Philippine Consular Office na ang naturang manggagawang Pinoy ay hindi nakikiisa sa protesta nang arestuhin ito, at tiniyak na pagkakalooban ito ng kaukulang tulong. ANA ROSARIO HERNANDEZ
Related posts:
4,000 ANTI-RIOT POLICE GIGIRI SA 20K RALIYISTA
9K RALIYISTA NABAKURAN, 4TH SONA NI PDIGONG MAPAYAPA
(Para matikman ang sarap ng normal na buhay) 88 EX-REBELS IPINASYAL NANG LIBRE SA HONG KONG
TRABAHO NG OFWs SA HONG KONG ‘DI APEKTADO NG RALLY
MANDATORY REPATRIATION AT DEPLOYMENT BAN SA MGA OFW SA HK WALA PA
(Gamboa sa mga raliyista sa 5th PRRD SONA:) SA SOCIAL MEDIA KAYO MAGPROTESTA!
(Sa ikalimang SONA ni Pangulong Duterte) RALIYISTA SUMUNOD SA PROTOCOLS–SINAS