CAVITE – Hindi na nakapalag ang isang eye-lash technician at kasama nito na nasakote sa anti-illegal drugs buy-bust operation ng PDEA CALABARZON, Cavite DEU, at General Trias City Police sa Brgy. Pascam II, Gen. Trias.
Kinilala ng pulisya ang mga suspek na sina alyas Beverly, 27-anyos, residente ng Brgy. Pascam II at at Grazie, 29-anyos, eyelash technician, na residente naman ng Brgy. Molino III, Bacoor City, Cavite.
Sa report ng PDEA CALABARZON, nakuha sa kustodiya ng mga suspek ang nasa 14 gramo ng umano’y dried marijuana leaves; 27, 750 grams ng cookies na hinihinalang may halong ipinagbabawal na gamot; 200 grams ng butter na umano’y may marijuana extract; 1,200 ml ng chili oil garlic na hinihinalang may marijuana oil; 286 pieces ng gelatin capsules; 39, 750ml ng liquid substances; buy bust money; at iba pang drug paraphernalia.
Mahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Pansamantalang nakapiit sa detention facility ng PDEA Region IV-A sa Sta. Rosa City, Laguna ang dalawang babaeng suspek.
SID SAMANIEGO
Related posts:
P777.6-M IBA’T IBANG ILEGAL NA DROGA SINUNOG NG PDEA
P5.8-M SHABU NASAMSAM, 1 ARESTADO
MOTORSIKLO SUMALPOK SA GATE: 1 PATAY, 1 SUGATAN
2 SUSPEK NA PUMATAY SA GRADE-6 STUDENT ARESTADO
(Obra ng 10-anyos na bata) NAKAMAMANGHANG MINIATURE MOTORCYCLE
INUMANG NAUWI SA SAKSAKAN, 1 PATAY
10 EMPLOYERS ‘DI NAG-REMIT NG P2.82-M HINABOL NG SSS
P642-M FLOATING SHABU SINUNOG NG PDEA