MAGIGING special guest si Olympic-bound at newly-turned pro Eumir Felix Marcial, kasama ang top executive ng Manny Pacquiao (MP) Promotions, sa webcast edition ng Philippine Sportswriters Association (PSA) Forum ngayong Martes, Hulyo 21.
Inaasahang tatalakayin ng 24-year-old pride ng Zamboanga, silver medallist sa AIBA World Championships noong nakaraang taon, ang kanyang patuloy na paghahanda para sa Tokyo Games at ang kanyang bagong paglalakbay bilang isang professional boxer makaraang pumirma kamakailan sa MP Promotions ni boxing legend at Senator Manny Pacquiao.
Sasamahan ni Sean Gibbons, presidente ng MP Promotions, si Marcial sa 10:00 a.m. session diretso mula sa Estados Unidos upang talakayin ang mga plano ng promotional firm sa career ni Marcial.
Ang public sports program ay ipalalabas nang live via PSA Facebook page fb.com/PhilippineSportswritersAssociation at isi-share rin sa Radyo Pilipinas 2 facebook page.
Comments are closed.