CAMP CRAME – INAMIN ni Philippine National Police (PNP) Chief, Gen. Oscar Albayalde na isang police general ang kanilang tinitiktikan at posibleng ipatawag hinggil sa umano’y pagkasangkot nito sa operasyon ng small town lottery (STL).
Ang subject for investigation na heneral ay may ranggong one-star o brigadier general.
Nakarating sa kaalaman ni Albayalde na pino-promote pa ng heneral ang STL games sa mga lugar kung saan siya naka-assign.
Kabilang naman sa sisilipin ay kung kasama sa korporasyon ang pulis sa operasyon ng STL.
Tumanggi naman si Albayalde na pangalanan ito dahil kailangan pa ng matibay na ebidensiya.
Maging ang mga pulis na nagpo-protekta sa STL operation ay iniimbestigahan na rin. EUNICE C.
Comments are closed.