ISINISI ng Metro Rail Transit Line 3 sa aksidente ng dalawa nilang maintenance vehicles kung bakit atrasado ang kanilang operasyon kahapon.
Sa abiso, nasangkot sa aksidente ang dalawang maintenance vehicles ng MRT-3 habang nagsasagawa ng inspeksyon kahapon ng madaling araw.
Sinabi ng MRT-3 na dalawang maintenance vehicles nila na kung tawagin ay Unimogs ang nagkabanggaan sa pagitan ng Buendia at Guadalupe Sta-tions habang nagsasagawa ng maintenance sa riles.
Alas-4:20 ng madaling araw nang maialis sa lugar ang dalawang Unimogs na sangkot sa aksidente at agad dinala sa depot.
Sa halip na alas-4:30 ng madalingbaraw, alas-6:15 na ng umaga nang makapag-deploy ng tren ng MRT.
Nag-deploy rin ng dagdag na augmentation buses ang LTFRB, MMDA, LTO at HPG para maasistihan ang mga pasahero.
Humingi naman ng paumanhin ang pamunuan ng MRT sa mga naperwisyong pasahero. PILIPINO Mirror Reportorial Team
Comments are closed.