OPERATORS, AGRABYADO SA NO-CONTACT APPREHENSION NG LGU -LCSP

NANAWAGAN ang transport group na Lawyers for Commuters Safety and Protection (LCSP) sa  local government units (LGUs) partikular sa Land Transportation Office (LTO) na tugunan ang problema sa sistema ng no-contact apprehension na umiiral ngayon.

Sa ipinadalang sumbong na inilapit sa LCSP, sinabi ng founder nitong si Atty. Ariel Inton na napapanahon ng ayusin ang  sistema ng implementasyon nito.

Ani Inton, sa una ay ang ipinatutupad na mga no-contact policies ng  LGUs ay maganda ang pakay upang mahilo ang mga traffic violator.

Mas malawak aniya ang coverage, nababawasan ang korupsiyon at bawas ang face-to-face ng enforcer at motorista.

Subalit habang tumatagal napuna nito na may problema na ang no-contact apprehension kung saan hindi ang driver ang nabibigyan ng violation notice kundi ang may ari o operator ng sasakyan ang napapatawan base sa plate number.

Dito aniya umaaray ang mga operator lalo na mga taxi operator dahil sa sobrang dami ng violation slips ang natatanggap nila at kung hindi mababayaran ay apektado ang rehistro ng kanilang mga unit dahil nakaalarma ito sa LTO.

“Pero sino ba ang traffic violator – yung driver o operator? Driver dapat ang magbayad ng multa dahil siya ang violator pero malimit ay iniiwan na lamang ito ng driver dahil nga sa wala silang naibabayad na P2,000 to P3,000 na laki ng multa,” saad ni Inton.

Aniya, kawawa ang operator dahil para mairehistro ang kanyang sasakyan ay babayaran niya na lang ang penalty na dapat ay sa kanyang driver ipinapataw.

“May isang driver nga na ang iniwan na no-contact penalty ay umabot sa  44,000 pesos!  Meron naman daw siste na sabihin ang pangalan ng driver at siya ang pagbabayarin. Pero madaling itanggi ito na siya ang nagmamaneho,” paliwanag pa ni Inton.

Problema ani Inton, mas maraming pasaway na driver na binabalewala ang mga traffic violation dahil operator naman niya ang hahabulin. Kung franchise violation tulad ng overcharging ng passenger ang minumultahan ng LTFRB ay ang operator at nire-rekomenda sa LTO na i-suspend o i-revoke ang lisensya ng driver.

“Pero iba ang franchhise violation sa traffic violation – sa traffic violation, driver lang ang nag-violate at hindi ang may ari ng sasakyan. Tuloy ang magandang hangarin ng pagkakaroon ng no-contact apprehension ay napapalusutan ng mga pasaway,” dagdag pa ni Inton. BENEDICT ABAYGAR, JR.

Related posts:

PARUSA SA MGA KOLORUM NA SASAKYAN, PINAREREBISA NG LCSP BONG GO SA LGU: DALHIN ANG BAKUNA SA MGA CONSTITUENT (PCUP nagbabala sa LGUs) ‘DI MAGBIBIGAY NG RELOKASYON KAKASUHAN AT THE FOREFRONT VS COVID-19, LUCENA LGU ACCORDS SM LUCENA THE CITY’S FIRST SAFETY SEAL COLD STORAGE FACILITIES, IPINAHAHANDA SA MGA LGUs AT REHIYON PARA SA PAGDATING  NG 33 MILLION COVID-19 VACCINES DSWD MAGLALAAN NG PONDO SA LGUs NA APEKTADO NG BAGYO 21K PAMILYA, LGU, HOSPITAL AT IBA’T IBANG MGA INSTITUSYON NABIGYANG TULONG NG PCSO NOONG 2022 SUPER HEALTH CENTER BREAKS GROUND IN BALINGASAG, MISAMIS ORIENTAL AS BONG GO CONTINUES TO HELP BRING PRIMARY HEALTHCARE IN COMMUNITIES