INANYAYAHAN ng pamahalaang lungsod ng Pasay ang mga residente nito na makiisa sa gaganaping Overseas Job Fair.
Ayon sa pahayag ng LGU gagawin ang naturang job fair sa Martes, Agosto 27, 2024 sa Mall of Asia Music Hall mula alas-8 ng umaga hanggang alas-5 ng hapon.
Ang nasabing trabaho sa ibang bansa ay handog ng Ina ng Lungsod ng Pasay na si Mayor Emi Calixto-Rubiano.
Wala anilang placement feee sa naturang aktibidad bilang bahagi ng pagdiriwang ng kaarawan ng alkalde at sa pakikijsa na rin ng Rotary Club of Pasay MIA, JCI Manileña at PRIME Alliance.
Liban sa alok na trabaho ay magbibigay din ng oryentasyon ang lubgsod para sa safe migration process at kung papaano maiiwasan ang mga scammers at illegal recruiters.
Para sa mga interesadong aplikante, magdala ng sariling ballpen, updated resume at magsuot ng angkop na damit.
Maaaring bisitahin ang Facebook page ng PESO – PASAY para sa karagdagang impormasyon.
CRISPIN RIZAL
