P1.2M MARIJUANA NAKUMPISKA SA LALAKI AT KASAMANG MENOR

KALINGA-ARESTADO ang dalawang lalaki kabilang ang isang menor makaraang masabat sila ng kagawad ng PNP Tabuk City bunsod ng bitbit na marijuana na nagkakahalaga ng P1.2 milyon sa isang checkpoint sa nasabing lungsod.

Nakilala ang isa sa suspek na si Victor Gumba, 47, residente ng Luccong, Tinglayan, Kalinga, at pansamantalang naninirahan sa Dasmarinas sa Metro Manila, habang ang suspek ay 18-anyos na residente sa Tabuk City.

Sa nakuhang impormasyon kay P/Col. Davy Vicente Limmong, Provincial Director ng PNP Kalinga, una umanong nagsagawa ng operasyon ang kanyang mga tauhan na silbihan sana ang warrant of arrest si Gumba dahil sa pagkakasangkot nito sa kalakaran ng iligal na droga ngunit hindi nadatnan sa kanilang bahay sa Luccong, Tinglayan. Kalinga.

Makaraan nito ay nakatanggap ang kanyang mga tauhan ng isang ng impormasyon kaugnay sa kahinahinalang sasakyan ng umano’y papaluwas upang dalhin sa Maynila ang mga iligal na droga palabas ng Kalinga kaya’t naglatag sila boarder control checkpoints.

Naharang ng mga operatiba ang isang sasakyan sa bahagi ng Tabuk City at nakumpirma na ang nagmamaneho nito ay si Gumba ngunit nang lapitan at silbihan ng warrant of arrest ng mga pulis ay tinutukan sila ng baril at pinaharurot ang sasakyan palayo sa checkpoint.

Dahil dito nagkaroon ng habulan, kung saan ay pinaputukan sila ng baril ng dalawang suspek na nagawa naman gumanti ang pulisya ay natamaan sa ang kaliwang paa nito kaya’t nawalan ng kontrol at dumiretso sa palayan saka nadakip at rekober sa kanya ang 10 marijuana bricks na nagkakahalaga ng P1.2M, isang unit ng Cal 9mm Smith and Wesson na may magazine at apat na bala, dalawang hand grenade at P13,750 cash. IRENE GONZALES