NASAMSAM ng Novaliches Police mula sa isang drug pusher ang P1.3 milyong halaga ng shabu sa ikinasang buy bust operation kamakalawa ng gabi.
Inaresto ang suspek na si Abdul Mamantar, 53-anyos nang bentahan nito ang droga ang nagpanggap na buyer na isang operatiba ng Novaliches Police Station 4 dakong alas-10:30 ng gabi sa kahabaan ng Villanova Ave., corner Gen. Luis St., Brgy. Nagkaisang Nayon, Novaliches, Quezon City.
Base sa ulat ng pulisya, bumili ng P100,000.00 halaga ng shabu ang umaktong poseur buyer sa suspek at ibinigay na pre-arranged signal kaya’t agad itong nadakip.
Nakumpiska sa suspek ang 200 gramo ng shabu na nagkakahalaga ng P1,360,000.00; isang sling bag; isang cellular phone at ang buy-bust money.
Haharap ang suspek sa kasong R.A. 9165 o ang Comprehensive Dangerous Drugs Act of 2002.
PAULA ANTOLIN