BULACAN- UMAABOT sa P10.2 milyong halaga ng marijuana Ang nasabat sa tatlong tulak sa isinagawang buy bust operation ng intel operatives ng Bulacan PNP sa Brgy, Sta. Rita, Guiguinto at Brgy. Hulo, Obando sa lalawigang ito kahapon ng madaling araw.
Sa inisyal na report ni Lt.Col.Avelino Protacio-ll at PMaj. Restetuto Granil ang mga nadakip na sina Eliterio Pazon Jr y Celada alyas Jun, 28-anyos, delivery boy; Hazel Domingo y Bron alyas Hazel, 31-anyos, online seller, kapwa residente ng Masagana Homes, Brgy Sta Rita, Guiguinto, Bulacan.
Habang nasakote rin si Allan Lucero nasa hustong gulang ng Brgy. Hulo, Obando.
Base sa paunang imbestigasyon, una nang nadakip ang magka-ibigan sa kanilang bahay kung saan nakumpiska ang 30 kilos habang 53.5 kilos kay Lucero na may kabuuang bilang na 83 bricks ng pinatuyong dahon ng Marijuana na nagkakahalaga ng P10.02 milyon.
Samantala, detenido ngayon ang mga suspek sa kasong paglabag sa Republic Act 9165. THONY ARCENAL