INIHAYAG ng isang grupo ng mga manggagawa na nasa P80 hanggang P100 ang ibinaba sa aktuwal na halaga ng arawang sahod ng mga manggagawa sa Metro Manila.
Ito ay mas mataas kaysa sa naging pagtaya ng Ibon Foundation kung saan lumalabas na nasa P500 na lamang mula sa P570 ang halaga ng daily minimum wage sa NCR.
Ayon kay Sonny Matula, chairperson ng Nagkaisa Labor Coalition, malaki ang naging epekto ng 6.9% inflation nitong Setyembre.
Hindi rin, aniya, ito maganda para sa ekonomiya dahil kung walang pambili ay walang gagastusin ang mga manggagawa at hindi iikot ang ekonomiya.
Umapela rin ang grupo ng karagdagang P100 sahod na posible umanong maibigay sa pamamagitan ng stimulus funds.
Sa ilalim nito, pinaglalaan ang pamahalaan ng isang bilyong pisong pondo na maaaring ipautang nang walang interes o gamiting subsidiya partikular sa micro, small, and medium enterprises (MSMEs) na posibleng magamit para sa pagpapasuweldo sa kanilang mga manggagawa at maisalba ang kanilang negosyo.
DWIZ 882
Related posts:
(DBP, SB Corp sanib-puwersa) PAGBANGON NG MSMES PABIBILISIN
(Prayoridad ng Duterte admin) SUPORTA SA MSMES PINAIGTING
(Sa panibagong lockdown) AYUDA SA MSMES TULOY
(Pinasisilip sa Senado) EPEKTO NG LOCKDOWNS SA MSMEs
(Sa panahon ng pandemya) BANK LOANS SA MSMES LUMOBO
MSME: LIWANAG SA DILIM AT SANDALAN NG MAUNLAD NA KALAKALAN
(Inilabas ng SBCorp hanggang noong Pebrero) P5.9-B PAUTANG SA MSMES
MSMEs DAPAT MAIANGAT MATAPOS ANG 2 TAONG PANANAMLAY