P100K SA GURONG HINIRANG BILANG 2021 OUTSTANDING FILIPINOS

GINANTIMPALAAN ng lokal na pamahalaan ng Muntinlupa ng halagang P100,000 ang isang guro sa mababang paaralan sa lungsod matapos itong hirangin bilang 2021 Metrobank Foundation Outstanding Filipinos.

Personal na ipinagkaloob ni Muntinlupa City Mayor Jaime Fresnedi ang tsekeng nagkakahalaga ng P100,000 bilang insentibo kay Jason Albaro, head teacher III ng Muntinlupa National High School (MNHS)-Main sa Brgy. Poblacion, Muntinlupa.

Bukod sa insentibo ay pinagkalooban din ng naturang bangko si Albaro ng P1 milyon, isang golden medallion at “The Flame” na tropeyo makaraan nitong mapanalunan ang isa sa 2021 Metrobank Foundation Outstanding Filipinos sa larangan ng academe.

Ang Metrobank Foundation Outstanding Filipinos search ay isang prestihiyosong career-service award para sa mga Filipino exemplar sa larangan ng academe, military at police sectors.

Kinikilala rin ng Metrobank Foundation Outstanding Filipinos ang napiling mga pinakatanyag na Pilipino na apat na guro, tatlong sundalo at tatlong pulis.

Nakatapos si Albaro na cum laude na may degree in Bachelor of Science in Secondary Agricultural Education Major in Che­mistry sa Central Bicol State University for Agriculture.

Nakatanggap din si Albaro ng Zayed Sustainability Prize 2019 kabilang si Ma. Regaele Olarte para sa Global High Schools-East Asia and the Pacific (United Arab Emirates).

Si Albaro ay naging Silver Awardee sa World Intellectual Property Office – Japan Design and Invention Expo (Japan) at nakamit din ang unang puwesto sa SEAMEO-BIOTROP SEA Creative Camp for Urban Agriculture na ginanap sa Indonesia.

Sa kasalukuyan, si Albaro ay co-manager ng First Chlorella Vulgaris (micro-algae species) cultivation and production; patent grantee of Intellectual Property Office for various projects; program director ng Lake Rehabilitation Projects and Project PNP (Please No Plastics); at convener ng United Nations for student leadership at promoter din ng Paris Agreement.  MARIVIC FERNANDEZ

Related posts:

HIRING NG 10K TEACHERS (Ipinagpapatuloy ng DepEd) (Apela ni Bongbong Marcos) PAGBAKUNA SA MGA GURO PABILISIN GURO, ESTUDYANTE HINIMOK NA MAGPAREHISTRO PARA SA 2022 POLLS (Di makakuha ng teachers board exam) KAKULANGAN NG GURO NAKABABAHALA (Sa pilot test ng limited face-to-face classes) BAKUNA SA MGA GURO MADALIIN GURO SA TIKTOK NAG-SORRY (Magsisilbi sa halalan sa 2022) BAYAD SA MGA GURO HINILING NA TAASAN PA KALIGTASAN NG MGA MAG-AARAL, GURO ITAGUYOD SA MULING PAGDAMI NG KASO NG COVID-19