P2.2M HIGH GRADE KUSH MARIJUANA NASABAT NG BOC

NAARESTO ng pinagsanib na mga tauhan ng Anti-Illegal Drug Task Force (AIDTF) ng Bureau of Customs (BOC) at Philippine Drugs Enforcement Agency (PDEA) ang consignee ng high grade Kush marijuana na tinatayang aabot sa P2.198 milyon ang halaga nito.

Kinalala ang suspek na si Arthur Antonio, residente ng Marikina City na nadakip sa isinagawang controlled delivery operation sa mismong bahay nito.

Ayon sa report ng CAIDTF, ang mga drogang ay galing sa California, USA at idineklara ang mga laman nito ay cookies, balloons, toys at school supplies.

Batay sa impormasyon na nakalap ng pahayagang ito,ang mga drogang ay nadiskubre matapos ang isinagawang 100 percent examination ng BOC examiner at nakita sa loob ng package ang 1.8 kilos ng Kush high grade marijuana.

Sasampahan ng kaso si Antonio dahil sa paglabang ng Section 1114 of RA 10863 o tinatawag na Customs Modernization and Tariff Act (CMTA) at RA 9165 o sa tawag na Anti-illegal Drugs Act. FROILAN
MORALLOS