P2.5K ALLOWANCE SA SPED SCHOLARS

SINIMULAN nang ipamahagi ng Navotas LGU ang cash allo­wance para sa mga special education (SPED) student.

Nasa 375 beneficiaries ng Persons with Disabilities (PWD) Students Educational Assistance/Scholarship ang nakatanggap ng kanilang Ene­ro hanggang Mayo na cash allowance na nagkakahalaga sa P2,500.
Sa bilang na ito, 341 ang elementary students, 12 ang high school, at 22 ang kasalukuyang enrolled sa Navotas Polytechnic College.

Sa ilalim ng scho­larship, magbibigay ang Navotas sa PWD students ng P500 monthly educational assistance o P5,000 kada academic year.

Sa kabilang banda, ang mga iskolar ay inaasahang dumalo ng hindi bababa sa 90% ng inilaang mga araw ng paaralan bawat taon ng pag-aaral at aktibong lumahok sa kani-kanilang mga klase.

Ang mga aplikante sa programa ay kaila­ngang maging Navoteños o kahit isa sa kanilang mga magulang /guardians ay bonifide residents at rehistradong botante sa Navotas.

Dapat silang magpatala sa isang pampublikong paaralan o anumang paaralan na SPED sa loob ng lungsod.

Dapat mayroon din silang PWD identification card na inisyu o va­lidated ng Persons with Disability Affairs Office (PDAO) at ang kanilang pamilya ay hindi dapat maging beneficiary ng Pantawid Pamilyang Pilipino Program. VICK TANES